Şenol Günəş: "Azərbaycanda öz meydanımızda oynayacağımızı düşünürük"

Şenol Günəş:
"Püşkdən öncə rəqiblərdən çox şəhərləri və səfərləri müzakirə etmişdik. Biz uzaq səfər olsa belə Bakını istəyirdik”.

Ann.az saytının məlumatına görə, bunu Türkiyə millisinin baş məşqçisi Şenol Günəş deyib.

O, "AVRO-2020"nin final mərhələsinin püşkatmasına münasibət bildirib. İtaliya, İsveçrə və Uelslə birlikdə A qrupunda yer alan "ay-ulduzlular”ın çalışdırıcısı oyunlarından ikisini Bakıda keçirəcəklərini sevinclə qarşılayıb:

"Azərbaycanda, Bakıda öz meydanımızda oynayacağımızı düşünürük. Açılış oyununu Romada keçirdikdən sonra Bakıya getmək bir az çətin olacaq. Avropanın güclü komandaları püşkə qatıldı. Hamısına uğurlar arzulayıram. Bu turnirdə olmaq Türkiyə üçün qürurvericidi”.

Şenol Günəş yarışdakı hədəflərinə də aydınlıq gətirib: "Oyunumuzla özümüzdən söz etdirmək, turnirə rəng qatmaq istəyirik. Qrupdan çıxmaqla gözəl günlər görərik. Hədəfimiz budu. Bu çempionat maraqlı oldu. Son ana qədər harada oynayacağımız bəlli deyildi. İndi təlim-məşq toplanışı üçün yer çətinlik yarada bilər”.

www.ann.az

Xəbər lenti