Səhiyyə Nazirliyi bir dərmanın ölkədə satışını dayandırdı

Səhiyyə Nazirliyi bir dərmanın ölkədə satışını dayandırdı
Azərbaycanda daha bir dərmanın istifadəsi qadağan olunub.

Bu barədə Ann.az-a Səhiyyə Nazirliyinin Analitik Ekspertiza Mərkəzindən məlumat verilib.

Qeyd olunub ki, "Sanofi” şirkətinin davam edən tədqiqatlarına əsasən "Lozap®” ticari adlı losartan potassium - 50 mg tərkibli örtüklü tabletlər №30 (3x10) blisterdə, karton qutu qablaşdırmada, 2660720 seriyalı, son istifadə tarixi 1/6/2022 olan və 2130221 seriyalı, son istifadə tarixi 1/1/2023 olan dərman vasitələrinin tərkibində azid qatışıqlarının yol verilən gündəlik maksimum limitdən çox olması ehtimal edilir.

"Bu ehtimalı nəzərə alaraq, 2660720 seriya ilə buraxılmış son istifadə tarixi 1/6/2022 olan və 2130221 seriya ilə buraxılmış son istifadə tarixi 1/1/2023 olan "Lozap®” ticari adlı dərman vasitəsitələri geri çağırılması qərarı qəbul olunmuşdur və ölkəyə idxalı, ölkədə topdan və pərakəndə satışı dayandırılıb"- məlumatda bildirilib.

www.ann.az

Tərəfdaşların xəbərləri

Xəbər lenti