Ann.az paytaxt təmsilçisinin rəsmi saytına istinadən xəbər verir ki, "ağ-qaralar" Moldavanın "Şerif" klubunun futbolçusu Petru Rakunu heyətinə qatıb. 32 yaşlı müdafiəçi ilə cari mövsümün sonunadək sözləşmə imzalanıb.

Raku sabiq komandası "Şerif”də olduğu kimi, "Neftçi”də də 4 nömrəli formanı geyinəcək.

Qeyd edək ki, Petru Raku karyerasına Moldovanın "Zimbru" klubunda başlayıb (2005-2007). 2007-ci ildə İsveç "Norrköpinq"inə transfer olunub və 2011-ci ilədək bu kluba məxsus olub. 2008-ci iləd Finlandiyanın MYPA klubuna icarəyə verilib, 2012-ci ildə Danimarkanın "Hyorrinq" klubunda çıxış edib. Bundan sonra vətəininə dönən Raku "Veris" (2013-2014) və "Milsami" (2015-2017) klublarının uğurları üçün çalışıb.

32 yaşlı müdafiəçi 2010-cu ildən çağırıldığı Moldova millisində 38 oyun keçirib və 1 qol vurub.