İlham Əliyev kredit fərmanından danışdı

İlham Əliyev kredit fərmanından danışdı
Prezident İlham Əliyev problemli kreditlərlə bağlı imzaladığı fərmandan danışıb.

Ann.az xəbər verir ki, o, mədəniyyət və incəsənət xadimlərinin bir qrupu ilə görüşdə bildirib ki, iqtisadi sahədə aparılan islahatlar gözəl nəticələr verir. 

"Dünən imzaladığım Fərman 800 min insanı əhatə edir və deyə bilərəm ki, bu Fərmanın dünyada analoqu yoxdur. Fərmanı oxuyan, onu təhlil edən hər bir vətəndaş bunu görə bilər. Bu, çox ciddi bir sosial təşəbbüsdür. Dövlət bir daha göstərir ki, öz vətəndaşının yanındadır. Bizim iqtisadi imkanlarımız yarandıqca, ilk növbədə, problemli kreditlər məsələsini həll etməyə qərar verdik və bunu bacardıq. 

Onu da bildirməliyəm ki, ciddi devalvasiyadan əziyyət çəkən ölkələrin sayı kifayət qədər çoxdur və bizdən də dərin devalvasiyaya uğramış ölkələr vardır. Ancaq heç bir ölkədə bu dərəcədə sosialyönümlü, vətəndaşın marağını güdən addım olmayıb. Yəni, bütün bu sosial paket təqribən 3 milyona yaxın insanı əhatə edir və bir daha bizim niyyətimizi göstərir”, - deyə ölkə başçısı qeyd edib.

www.ann.az

Xəbər lenti