İkiqat dünya çempionumuzdan yeni müqavilə

İkiqat dünya çempionumuzdan yeni müqavilə

Azərbaycanın boks üzrə ikiqat dünya çempionu Məhəmmədrəsul Məcidov “Baku Fires” klubuna 2014-cü ilin yanvarında qoşulacaq. 

Lent. az-ın məlumatına görə, bu barədə jurnalistlərə klubun baş direktoru Rizvan Gənciyev açıqlama verib.

O bildirib ki, ötən ay Qazaxıstanın Almatı şəhərindəki dünya çempionatında növbəti qızıl medalı qazandıqdan sonra Məcidov istirahətə buraxılıb. Digər tərəfdən, boksçumuz gələn ilin mayında başlanacaq APB (AİBA Peşəkar Boks) versiyası üzrə döyüşlər üçün müqavilə bağlayıb. Gənciyevin sözlərinə görə, ikiqat dünya çempionumuzun bu addımı onun “Baku Fires”in heyətndə iştirakına maneçilik törətməyəcək. Klub rəsmisi WSB Liqasının daha böyük əhəmiyyət kəsb etdiyini bildirib: “Bu liqada 10 çəki dərəcəsi üzrə reytinq siyahısında ilk 3 yeri tutanlara 2016-cı il Rio-de-Janeyro Yay Olimpiya Oyunlarına lisenziya veriləcək. APB-də isə il ərzində 1-2 döyüş olacaq. Düzdür, bu versiya da lisenziya xarakterlidir. Amma orada lisenziya qaydaları hələ tam dəqiqləşməyib”.

Qeyd edək ki, Məhəmmədrəsul Məcidov 2011 və 2013-cü il dünya çempionatlarının, builki Avropa çempionatının qalibi, 2012-ci il London Yay Olimpiya Oyunlarının bürünc mükafatçısıdır.

ANN.Az

Xəbər lenti