Gələn ay Bakıda yeni yol açılacaq - Fotolar

Gələn ay Bakıda yeni yol açılacaq - Fotolar
Bakı-Quba-Rusiya sərhədi avtomobil yolunun Avtovağzal dairəsi adlanan ərazisinin Bakı Dairəvi-1 avtomobil yoluna birləşdirliməsi məqsədilə inşa edilən yeni yolda işlərin 80%-i yerinə yetirilib.

"Report” "Azeryolservis” ASC-nin məlumatına əsasən xəbər verir ki, ümumi uzunluğu 1 070 metr olan yolda 445 metr uzunluğunda 15 aşırımdan ibarət estakada da inşa olunub. Hazırda estakada üzərində məhəccərlərin quraşdırılması, təkərqaytaranların monolit-betonla tökülməsi və asfalt-beton örtüyünün döşənməsinə hazırlıq işləri gedir. Layihənin may ayı ərzində tamamlanması planlaşdırılır.

Sözügedən yol istifadəyə veriləndə Sumqayıt istiqamətindən gələn nəqliyyat vasitələri, habelə Beynəlxalq Avtovağzaldan Qazax-Gürcüstan sərhədi, Ələt-Astara-İran sərhədi və Hacıqabul-Horadiz istiqamətində sərnişin daşıyan avtobuslar Bakı-Sumqayıt yoluna daxil olmadan Respublika Stend Atıcılığı İdman Kompleksinə və Bakı Dairəvi-1 avtomobil yoluna maneəsiz çıxa biləcək.
 





www.ann.az

Xəbər lenti