Erməni qızlarıyla evlənək, Qarabağı qurtaraq! - KÖŞƏ

Erməni qızlarıyla evlənək, Qarabağı qurtaraq! - KÖŞƏ

Həmid Həmidov

ATƏT-in Minsk qrupunun həmsədrləri öz bəyanatlarında iddia edəndə ki, guya, "münaqişə tərəfləri sülh yolu ilə nizamlanmaya yönəlmiş sonrakı danışıqlara impuls verməkdə razılığa gəldilər", onda məni az qala cin vurur ki, yenə də bu ATƏT institutu Ermənistan və Azərbaycan xalqlarını axmaq yerinə qoyur axı … (elə hesab edin ki, mənimlə mətbəxdə oturmusunuz və mən artıq nə dediyimi bilmirəm).

 

Erməni xalqının adından danışa bilmərəm. Ən azından ona görə ki, hər gün onun nümayəndələriylə ünsiyyətdə olmaq imkanlarına malik deyiləm və maksimum anlayıram ki, vasitəçilərin belə bəyanatları əslində bizim qərb qonşularımız üçün “göydəndüşmə”dir. Amma düşünürəm ki, Azərbaycan xalqı və özümlə bağlı nəsə demək hüququna malikəm.

Mənim "Facebook"dakı təhsilli, ağıllı, intellektual, xalqın sağlam düşünən kəsiminə iddia edən tanışlarım, kolleqalarım və dostlarım deyəndə ki, Əliyev-Sərkisyan görüşü ərəfəsində real nəticələr gözləyirlər, mən buna əvvəl sevindim. Ona görə sevindim ki, aramızda hələ də optimistlər var imiş.

 

Hətta onlara səmimi-qəlbdən paxıllıq da elədim. Onların optimizminə heyran qaldım. Nə qədər çalışsam da, prezidentlərin görüşü ilə əlaqədar özümdə bir damcı ümid yarada bilmədim.

Çünki mən çoxdan özüm üçün aydınlaşdırmişdım ki, Qarabağda vuruşmuş, orada dostlarını itirmiş, müharibə üzərində həm maliyyə, həm də siyasi kapital toplamış Serj Sərkisyan hakimiyyətdə olduğu müddətdə işğalda olan torpaqları qaytarmaq mümkün olmayacaq. 

Hətta Serj Sərkisyan torpaqları qaytarmaq istəsə belə, qaytara bilməyəcək. Keçmiş Ermənistan prezidenti Ter-Petrosyanı necə aradan götürmüşdülərsə, onu da eləcə “yox” edə bilərlər. Bəli, götürərlər, imkan verməzlər, hətta nə istəsən edərlər...

Bizim məmurlarımız deyəndə ki, Azərbaycan istənilən an münaqişəni hərbi yolla həll etməyə qadirdir, amma sülh yolu ilə həll ediləcəyinə ümid bəsləyir, onda adam anlayır ki, bu cür bəyanatlar daxili dinləyicilərə hesablanıb.

Bu cür bəyanatları sən artıq bir neçə ildir eşidirsən. Eyni zamanda anlayırsan ki, daha bir neçə il sonra bu vədləri eşitməyəcəksən. Ya torpaqlar qaytarılacaq, ya da ona görə ki bu cür bəyanatlar artıq yorucu olacaq və bu bəyanatlara heç kim fikir də verməyəcək, bu mövzu isə ümumiyyətlə lazımsız olacaq...

Mən müharibə xətrinə müharibənin tərəfdarı deyiləm. Mən müharibənin xalqımın başına nələri gətirəcəyini bildiyimə görə müharibə tərəfdarı deyiləm. Mən torpaqlar uğrunda mübarizə aparacaq müharibənin tərəfdarıyam. Eyni zamanda mən o müharibənin tərəfdarıyam ki, boş-boş söhbətlərdən, yalançı vədlərdən daha yaxşıdır.

 

Mən münaqişənin həllinin tərəfdarıyam. Problemin burada və indi həlli üçün... Heç bir strateji addım-filan olmadan... Çünki ap-aydın görünür ki, biz həmişə bütün geosiyasi, qəliz hörgülərdən nadir hallarda qalibiyyətlə çıxmışıq.

Münaqişəni sülh yoluyla həll etmək istəyirik? Ok. Gəlin edək. Kim kömək edər bizə?

 

Birləşmiş Ştatlar? Avropa Birliyi?

 

Zəmanət var? Var? Lap yaxşı. Onda biz sizinləyik, uşaqlar! Amma, bax, verilən vədi tutmaq və işğalda olan torpaqları son kvadratmetrinə qədər azad etmək lazımdır. Ən uzağı sabaha. Birisi gün də ola bilər. Amma ondan o tərəfə yox da...

 

Nə? Yox. Gücümüz çatmaz. Yaxşı, bəs onda kimin gücü çatar?

Raşa Federeyşn? Cənab ÜDM? Zəmanət var ki, ya sabah, ya da birisi gün torpaqlar qayıdacaq?

  

Ok. Bəs bizdən nə tələb olunur? Ticarət İttifaqına daxil olmaq? Bu, asan işdir. Avrasiya İttifaqı - buyur. Torpaqlardan ötrü lap elə rubl da vermək olar.

Çünki rubl köçürmək, istənilən məqamda bu və ya digər bir strukturu tərk etmək kimidir, qaytarılmış torpaqları isə, ümid edirəm, bir daha itirmərik. Həyat bizə dəyər verməyi öyrətdi.

Təsəvvür edək ki, biz Qarabağ münaqişəsi olmayan bir dönəmdə yaşayırıq. Amma o zamanda da biz yaddan çıxarmamalıyıq ki, Dağlıq Qarabağdan, yaxud erməni-azərbaycanlı münasibətlərini kəskinləşdirərək ondan təzyiq və şantaj əlaəti kimi istifadə oluna bilər.  Yaddan çıxarmayaq ki, bundan Qərbin və Rusiya Federasiyasının simasında nəinki dünya nəhəngləri, hətta Türkiyə də, İran da sevinə-sevinə istifadə edir...  Gürcüstan, İsrail çalışır… Hərəsi öz səviyyəsində… Hər kəs öz maraqları daxilində. Axı bu maraqları biz on ildir təmin etməyə çalışırıq, amma bunun sayəsində işğal edilmiş torpaqların sahəsi azalmır ki azalmır...

Bəlkə hər şeyə tüpürək, hə, nə deyirsiz? 

 

Bəlkə sadəcə Yerevana diplomatik münasibətləri qaydaya salmağı, sərhədləri açmağı, Ermənistana və işğal edilmiş ərazilərə soxulmağı, qanuni yolla orada daimi yaşayış sənədi almağı (biznesmenlər kimi, məsələn), orada bizneslə məşğul olmağı, istehsal prosesinə başlamağı, torpaqları şumlamağı, yaşamağı, doğub-törəməyi təklif edək… və mütləq erməni qızlarla evlənək. Özü də kütləvi şəkildə ha...

Necə fikirdir? Yarayır? 

Onların sayı nə qədərdir? Bütün Ermənistanın əhalisi milyon yarım olar.

Bizim sayımız isə 9 milyon neçəsə yüz mindir. Erməni qızlar üçün bizim milyon kişimiz kifayətdir. Hələ seçim imkanı da olacaq.

 

Hə, gəlin belə edək! Erməni qızları ilə evlənək. Sonra dünyaya gələcək uşaqları Azərbaycan ruhunda, milli adət-ənənələrimizə uyğun böyüdək, tərbiyələndirək. Əlbəttə, bu, hamıda alınmayacaq. Amma ümid edirəm ki, erməni qızları ilə evlənən 60 faiz kişilərimizdə bu alınacaq, axı bu dəfə məqsədli, məntiqli plan qurub evlənəcəyik. Daha hisslərə qapanmayacayıq.

Təxminən 20-30 ildən sonra, gözlərini bir gözəl Yerevan səhəriylə açırsan və baxırsan ki, ətrafda yalnız azərbaycanlılardır. Amma müvafiq aqibətlərlə....

 

Bax, buna mən deyərəm plan...

Əlbəttə, daha 2-3 onillik gözləmək lazım gələcək. Möhtəşəm plan sayəsində torpaqları bircə güllə atmadan qaytaracayıq, özü də artıqlamasıyla. Necə deyərlər, ilahi ədalət bərpa olunacaq. Qonşunun iqtisadiyyatını əlimizə alacayıq və ən əsası, qonşu etnosu elə təmizləyəcəyik ki, sanki belə bir etnos ümumiyyətlə yer üzündə olmayıb.

Onda bütün dünya bizim uzunmüddətli plan qurmağımıza, onu reallaşdırmağımıza, bacarığımıza mat qalacaq.

Təklif edirəm ki, cənablar, bu plan barədə bir düşünəsiniz...  Əgər ağlınıza batsa, sabahdan başlamaq olar… Ən əsası, bundan əvvəl Ermənistanda kontraseptləri qanuni şəkildə qadağan etmək lazımdır. Qalan məsələ texnikalıqdır. Azərbaycan qaqaşlarının texnikası...

ANN.Az

Xəbər lenti