Azərbaycan-Türkiyə-Gürcüstan birgə hərbi təlimləri başa çatıb (FOTOLAR)

Azərbaycan-Türkiyə-Gürcüstan birgə hərbi təlimləri başa çatıb (FOTOLAR)
Azərbaycan, Türkiyə və Gürcüstan ordusunun "Eternity-2018” birgə komanda-qərargah təlimləri başa çatıb.

Ann.az xəbər verir ki, bu barədə Gürcüstan Müdafiə Nazirliyi məlumat yayıb.

Türkiyənin Lüleburqaz şəhərində keçirilən təlimlərdə Gürcüstan Silahlı Qüvvələrinin şəxsi heyəti ilə yanaşı, Daxili İşlər Nazirliyinin əməkdaşları Türkiyə və Azərbaycan hərbçiləri ilə birgə iştirak ediblər.

Təlimlərin məqsədi Gürcüstan, Türkiyə və Azərbaycanın Silahlı Qüvvələri arasında qarşılıqlı uyğunluğun artırılması olub. Təlimlər ərazi və qəragah komponentləri üzrə həyata keçirilib. İştirakçılar çoxmillətli qərargahın planlaşdırılması prosedurları, həmçinin milli taborların idarə olunması və onlara nəzarətin təşkili üzrə bilik və təcrübələrini artırıblar.

Təlimlərin ssenarisi böhran vəziyyətində Bakı-Tbilisi-Ceyhan neft kəməri, strateji əhəmiyyətli dəmir yolu xətti və boru kəmərlərinin təhlükəsizliyinin təmin olunması üzrə əməliyyatlardan ibarət olub.

Gürcüstan-Türkiyə-Azərbaycan birgə təlimləri rotasiya prinsipinə əsasən hər üç ölkədə keçirilir. 













www.ann.az

Xəbər lenti