Millət vəkilindən Türkiyəyə dəstəklə bağlı ATƏT-ə çağırış

Millət vəkilindən Türkiyəyə dəstəklə bağlı ATƏT-ə çağırış
Türkiyənin Suriya ərazisindən gələn terrora qarşı mübarizəsini tam dəstəkləmək lazımdır.

ANN.Az oxu.az-a istinadən xəbər verir ki, bunu Azərbaycanın ATƏT Parlament Assambleyasındakı (PA) nümayəndə heyətinin üzvü Elşad Həsənov qurumun Siyasi məsələlər və təhlükəsizlik komitəsi, İqtisadi məsələlər, elm, texnologiya və ətraf mühit komitəsi və Demokratiya, insan hüquqları və humanitar məsələlər komitəsinin birgə iclasında deyib.

 "Təəssüf ki, çox zaman terrorçuların bəzi dövlətlər və siyasi dairələr tərəfindən maddi dəstəklə təmin olunması, hətta terroristlərə siyasi sığınacaq hüququnun tanınması və onlara "azadlıq mübarizləri” adının belə verilməsi hallarına rast gəlinir”- deyən millət vəkili bildirib ki, bu gün Türkiyə ölkənin təhlükəsizliyi və ərazi bütövlüyünə təhlükə törədən terrorizmə qarşı təkbaşına mübarizə aparır:

"Türkiyənin Suriya ərazisindən gələn terrora qarşı mübarizəsini tam dəstəkləmək lazımdır. Əgər Yaxın Şərqdə terrorizm və etnik separatizm qələbə qazanarsa, bu, öz növbəsində, Avropanın təhlükəsizliyi və sabitliyi üçün böyük bir bəlaya çevriləcək. Ona görə də ATƏT PA terrorizmlə mübarizədə bütün istiqamətlərdə qətiyyətli mövqe nümayiş etdirməlidir”- deyə, E. Həsənov sözlərinə əlavə edib.
 


www.ann.az

Xəbər lenti