General Rafiq Abbasovun bacısı oğlu qəzaya düşərək ağır xəsarət alıb - FOTO + VİDEO

General Rafiq Abbasovun bacısı oğlu qəzaya düşərək ağır xəsarət alıb - FOTO + VİDEO
Bakıda yol qəzası baş verib.

ANN.Az "Report"a istinadən xəbər verir ki, hadisə aeroport yolunda qeydə alınıb.

Belə ki, "Range Rover" markalı avtomobil yol arakəsmələrini təmizləyən "Azəravtoyolservis" ASC-yə məxsus "KamAZ" markalı su maşınına çırpılıb. Hadisə nəticəsində avtomobil deformasiyaya uğrayıb və sürücü nəqliyyat vasitəsində sıxılmış vəziyyətdə qalıb.

Əraziyə Fövqəladə Hallar Nazirliyinin (FHN) xüsusi riskli xilasetmə xidmətinin əməkdaşları cəlb edilib. FHN əməkdaşları deformasiyaya uğramış avtomobildə sıxılmış vəziyyətdə qalmış sürücünü nəqliyyat vasitəsindən çıxarıblar.

Qeyd edək ki, sürücü Bakı Şəhər Baş Dövlət Yol Polisi İdarəsinin (BŞBDYPİ) Texniki Təminat Şöbəsinin rəisi, 31 yaşlı polis kapitanı Cabir Firdovsi oğlu Hüseynov DİN-in Baş Kadrlar İdarəsinin rəisi general-mayor Rafiq Abbasovun bacısı oğludur.. O, qəza zamanı ağır xəsarət alıb. Yaralı 3 saylı Kliniki Tibbi Mərkəzə yerləşdirilib

Qəza nəticəsində xəsarət alan sürücü Cabir Hüseynov 3 saylı Kliniki Tibbi Mərkəzdən "Təcili yardım" maşını vasitəsi ilə Mərkəzi Neftçilər Xəstəxanasına köçürülüb.
 




www.ann.az

Xəbər lenti